تعالوا نشوف الشباب والبنات بيعنسوا ليه ؟؟؟؟

السلام عليكم ورحمة الله وبركاته
ازيكم يا شباب وبنات اعضاء اصحاب كول
يارب تكونوا كلكم بخير وصحه وسعادة
كل سنه وانتم طيبين
والسنه الجايه ان شاء الله تكونوا حققتوا كل اللي نفسكوا فيه
انا اول مره اكتب موضوع هنا في القسم ده
يارب يكون موضوعي خفيف علي قلوبكم
والموضوع زي ما قرأتوا في العنوان عن العنوسه
وطبعا العنوسه مقصود بيها الشباب والبنات
طبعا انتوا عارفين ان احنا عندنا هنا في مصر نسبة عنوسه كبيه جدا
والسبب طبعا اللي كلنا عارفينه هي الازمة الاقتصاديه وانوا مفيش فلوس علشان الشباب تتجوز
وده طبعا السبب المعلن
بس تتفتكروا هو ده السبب الاساسي
طيب فيه شباب كتير معاها فلوس ومع ذلك مش بتتجوز
وفيه بنات بيتقدملها كتير وبترفض
تفتكروا ايه السبب الحقيقي
اعتقد ان فيه ازمة ثقه بين الشباب والبنات
يعني اغلب الشباب مش بقي عندهم ثقة في البنات
والبنات نفس الموضوع مش بقي عندهم ثقة في الشباب
بقينا احنا الاتنين بنخاف من بعض ومش واثقين في بعض
ايه رأيكم في الكلام ده ؟
ولو الكلام ده صح
تتفتكروا الثقه دي ممكن ترجع تاني ؟
ولو ممكن يبقي ازاي ؟
اتمني اشوف ردودكم وتفاعلكم
تقبل الله منا ومنكم صالح الاعمال